Creamy Corn Chaat Recipe: अनेकवेळा लोकांना हेल्दी खाण्याचा कंटाळा येतो. तुम्ही काहीतरी चटपटीत खाण्याच्या नादात रेडिमेट तळलेले स्नॅक्स खाता. पण आम्ही तुम्हाला आज एक अशी डिश सांगणार आहोत की जी खाउन तुम्हाला मज्जा येणार आहे. या रेसिपीमध्ये तुम्ही तुमच्या आवडीच्या बारीक चिरलेल्या भाज्या देखील घालू शकता. ही रेसिपी बनवायला अगदी सोपी आहे.

• क्रीमी कॉर्न चाट बनवण्यासाठी लागणारे साहित्य

1 कप उकडलेले स्वीट कॉर्न

5 चेरी टोमॅटो

1 लिंबू

1 टेबलस्पून लाल तिखट

2 चमचे सेव

2 चमचे चिरलेली कोथिंबीर

1/2 कप चिरलेली लाल सिमला मिरची

1/2 टीस्पून चिली फ्लेक्स

1 टेबलस्पून बटर

2 चमचे लसूण मेयोनीज

मीठ- गरजेनुसार

• क्रीमी कॉर्न चाट बनवण्याची कृती

क्रीमी कॉर्न चाट बनवण्यासाठी सर्वप्रथम एका पॅनमध्ये बटर गरम करावे.

नंतर त्यात लाल शिमला मिरची टाकावी.

मध्यम आचेवर साधारण 1 मिनिट भाजावे.

आता स्वीट कॉर्न टाका.

नंतर एक मिनिट परतून घ्या.

आता लाल तिखट, चिली फ्लेक्स आणि चवीनुसार मीठ टाका.

नीट मिक्स करा.

हे मिश्रण आता एका बाऊलमध्ये काढून घ्यावे.

चेरी टोमॅटो, लिंबू, कोथिंबीर, शेव आणि लसूण मेयोनेजनी गार्निश करावे.

टिप: तुमच्या आवडीच्या इतरही भाज्या बारीक चिरून टाकू शकता.