शारीरिक व्याधींवर मात करायची असेल तर योगासनांचा आधार घेण्याशिवाय पर्याय नाही. योग केल्यामुळे अनेकांच्या शारीरिक व मानसिक समस्या दूर झाल्याचं आपण साऱ्यांनीच ऐकलं आहे. साधारणपणे वयाची 35 वर्षे ओलांडली की कंबरदुखी, पायदुखी अशा समस्या निर्माण होतात. म्हणूनच योगासनांच्या सरावामध्ये भद्रासन नियमितपणे जरूर करा.

लॉकडाउनमध्ये करा ऑनलाइन योगसाधना- भाग 1

भद्रासन करण्याचे फायदे
1. मांडीचे स्नायू लवचिक होतात.
2. मांडीजवळील भागांचे स्नायू ताणले जातात.
3. ओटीपोटातील रक्ताभिसरण प्रक्रिया सुरळीत होते.
4. कमरेखालील सांधे मोकळे होतात.
5. या आसनात मांड्या व पोटऱ्यांवर ताण येतो. त्यामुळे मांडी, जांघा आणि पार्श्वभाग यांच्यावर ताण येऊन येथील स्नायू बळकट होतात.
6. भद्रासन ही ध्यानाची बैठक तयार करण्यासाठीचे सर्वात उत्तम आसन आहे.

Daily योग: जाणून घ्या अर्ध हलासनाचे फायदे

भद्रासन कसे करावे 
प्रथम जमिनीवर पाय पसरुन बसा. त्यानंतर दोन्ही पाय गुडघ्यात दुमडून एकमेकांना जोडा. दोन्ही पायाचे तळवे एकमेकांना स्पर्श करतील अशा पद्धतीने बसा. त्यानंतर दोन्ही हातांनी पायांचे चवडे पकडून स्वत:च्या दिशेने ओढा. मात्र, यावेळी पाय जमिनीला स्पर्श करतील याची काळजी घ्या. तसंच हे आसन करताना पाठीचा कणादेखील ताठ राहिल याकडे लक्ष द्या.