Diabetes Care Tips: दरवर्षी मोठ्या संख्येने लोक मधुमेहाचे बळी ठरत आहेत. आज संपूर्ण जग मधुमेहाच्या विळख्यात आहे. सर्वात मोठी चिंतेची बाब म्हणजे आता मुलांनांपासून ते मोठ्यांपर्यंत सर्वांना मधुमेह होत आहे.

मधुमेहाच्या रुग्णांमध्ये कोलन कॅन्सरचा धोकाही वाढत असल्याचे अनेक संशोधनांमध्ये आढळून आले आहे. आरोग्य तज्ञांच्या मते, मधुमेह हा सर्वात धोकादायक आहे कारण इतर अनेक रोग त्याच्या पाठोपाठ येतात. मधुमेहाची बाधा झाल्यानंतर डोळ्यांपासून मूत्रपिंड, यकृत आणि हृदयापर्यंतच्या आजारांचा धोका वाढू शकतो.

जाणून घ्या मधुमेहामुळे कर्करोगाचा धोका कसा वाढतो?

कोलन कॅन्सरमुळे दरवर्षी लाखो लोक आपला जीव गमावतात. मधुमेहाने ग्रस्त लोकांमध्ये कोलोरेक्टल (कोलन) कर्करोगाचा धोका 47 टक्क्यांपर्यंत जास्त असू शकतो. त्यामुळे मधुमेहाबाबत कोणत्याही प्रकारची निष्काळजीपणा टाळावा.

योग्य वेळी तपासणी करा

मधुमेहाच्या रुग्णांमध्ये कोलोरेक्टल कॅन्सरची प्रकरणे गेल्या पाच वर्षांत झपाट्याने वाढली आहेत. आरोग्य तज्ज्ञांच्या मते, मधुमेही रुग्णांमध्ये या कर्करोगाची तपासणी करणे अत्यंत आवश्यक आहे, जेणेकरून हा जीवघेणा धोका वेळीच टाळता येईल.

असे केले जाते कर्करोगाचे निदान

कोलोनोस्कोपी प्रक्रियेद्वारे, रुग्णाच्या संपूर्ण मोठ्या आतड्याची तपासणी केली जाते. या प्रक्रियेदरम्यान, कोलोनोस्कोप नावाची एक विशेष प्रकारची लांब आणि लवचिक ट्यूब वापरली जाते. मधुमेही रुग्णांची डॉक्टरांच्या सल्ल्यानुसार वेळोवेळी तपासणी केली पाहिजे, जेणेकरून या कर्करोगाची शक्यता वेळीच ओळखता येईल आणि तो टाळता येईल.