Vegetables Price: मागील महिन्याभरात टोमॅटो 30 रुपये प्रतिकिलो दराने विकला जात होता; परंतु मागील काही दिवसांपासून 50 रुपये प्रतिकिलो दराने विकला जातोय. मात्र, फलोत्पादन महामंडळाच्या गाळ्यांवर टोमॅटो प्रतिकिलो 10 रुपये स्वस्तात म्हणजेच 40 रुपये किलो दराने विकला जातोय.

आले-लसूणच्या दरातही मोठ्या प्रमाणात वाढ झाली आहे. लसूण 400 रुपये किलो दराने विकली जात आहे. आल्याचा दर प्रतिकिलो 150 ते 200 रुपये झाला आहे. हिरवी मिरची, वालपापडी, भेंडी, तसेच पालेभाज्यांचे दरदेखील वाढत आहेत.

गोव्यात येणारा भाजीपाला हा बेळगाववरून येत असल्याने तेथील भाजी मार्केटमध्ये तुटवडा आल्यास त्याचा फटका गोव्याला बसतो; कारण गोव्यात भाजी आणण्यासाठी लागणारी मजुरी, वाहतूक खर्च यामुळे येथे भाज्यांचे दर वाढवावे लागतात.

राज्यात रब्बी हंगामाला सुरवात झाली असून ग्रामीण भागात मोठ्या प्रमाणात विविध प्रकारच्या भाज्या व मिरचीची लागवड करण्यात आली आहे. लालभाजी, भेंडी, चिटकी, मुळा तसेच इतर काही भाज्या आता अनेक शेतकरी विक्रीसाठी आणत आहेत.

हवामानातील बदल कारणीभूत: यंदा अवेळी पडलेला पाऊस व हवामानात होणारे बदल याचा परिणाम आले, लसूण तसेच इतर भाजीपाल्यावर झाल्याने मोठ्या प्रमाणात उत्पन्नात तुटवडा आल्याचे विक्रेते सांगत आहेत. परंतु फेब्रुवारी महिन्याच्या अखेरीपर्यंत राज्यात लसूण तसेच इतर भाज्यांच्या दरात घट होण्याची शक्यता वर्तविण्यात येत आहे.

सध्याचे दर भाजी

• कांदा : ४०- २७

• बटाटा : ४०- २८

• टोमॅटो: ५०- ४०

• गाजर: ५०-६०-३४

• फ्लॉवर: ४०-२८

• भेंडी: ८०-५४

• कोबी: ४०-३०

• मिरची: ८०-५२