Cooking Hacks: आशियायी खंडात अनेक लोक भात आवडीने खातात. दिवसभरात एकदा तरी जेवणात भात हवाच असतो. कारण काही लोकांनाभात खाल्ल्याशिवाय जेवण पुर्ण झाले असे वाटत नाहीत. तर अनेक लोकांसाठी भात आणि भाताचे अनेक प्रकार म्हणजेच संपुर्ण जेवण असू शकते. भात शिजवणे खुप सोपे आहे. पण अनेकवेळा भात शिजवतांना करपतो आणि त्याचा करपट वास पुर्ण भाताला येतो. अशावेळी भात फेकुन न देता तुम्ही या ट्रिक्स वापरून भाताचे सेवन करू शकता.

भात बनवताना करपला तर काय करावे?

भात बनवताना करपला असेल तर तो फेकून देण्याची गरज नाही. पुढिल सोप्या ट्रिक फॉलो करून तुम्ही कोणत्याही वासाशिवाय चांगल्या भाताचा आनंद घेऊ शकता.

कांद्याचा वापर

जेव्हा भात शिजवता तेव्हा कधी-कधी करपतो आणि संपूर्ण भाताला त्याचा वास येऊ लागतो. अशावेळी भात फेकून न देता भाताचा करपलेला वास दूर करण्यासाठी सर्वात पहिले कांद्याचे चार तुकडे करावे. कांदा कापण्यापूर्वी सोलू नका. आता हे चार कांद्याचे तुकडे भातामध्ये मिक्स करावे आणि भाताच्या भांड्यामध्ये चार वेगवेगळ्या भागात ठेवावे. नंतर झाकण बंद करा आणि दहा मिनिटे ठेवावे. 10 मिनिटांनंतर तुम्हाला दिसेल की कांद्याने भाताचा सर्व करपलेला वास शोषून घेतलेला असेल. भाताचा चांगला भाग खा आणि तुमच्या भाताचा फक्त खालचा करपलेला भाग काढून टाकावा.

तुपाचा वापर

जर भात करपला असेल तर तुम्ही तुपाचा वापर जळकट वास कमी करण्यासाठी करू शकता. यासाठी भाताचा चांगला भाग काढून घ्यावा. नंतर एका कढईत तुप गरम करून त्यात जिरं टाकावे आणि भात मिक्स करावा.

ब्रेडचा वापर

भाताचा करपलेला वास लगेच दूर करण्यासाठी भातामध्ये ब्रेडचा तुकडा ठेवावा. यामुळे भातामधील वास कमी होण्यास मदत मिळते.

लसणाचा वापर

करपलेल्या भातातील जळकट वास कमी करण्यासाठी तुम्ही लसणाच्या कळीचा वापर करू शकता. यासाठी एका कढईत तेल गरम करावे नंतर त्यात लसणाचे तुकडे टाकावे. नंतर हे तेल भातावर टाकावे आणि 10 मिनिटं झाकुन ठेवावं. यामुळे जळकट वास निघुण जाईल.

बटाट्याचा वापर

बटाट्याचा वापर करून तुम्ही करपलेल्या भातामधील जळकट वास कमी करू शकता. यासाठी भातावर बटाट्याचे काप ठेवावे. यानंतर 10 मिनिटांसाठी झाकण ठेवावे. बटाटा जळकट वास शोषून घेतो.