Cleaning Tips: घरातील किचन स्वच्छ असल्यास अनेक आजार दूर राहतात. भारतीय घरांमध्ये भांडी ठेवण्यासाठी स्टेनलेस स्टीलच्या रॅकचा वापर केला जातो. सहसा भांडी ठेवण्याचे स्टँड भिंतीवर लावलेला असतो. त्यामुळे त्याची रोज स्वच्छता होत नाही.

त्यामुळे हळूहळू त्यावर इतकी घाण साचते की फक्त ओल्या कपड्याने पुसणे पुरेसे नसते. तसेच, स्वयंपाकघरात रॅक असल्यामुळे स्वयंपाक करताना निर्माण होणारा चिकटपणामुळे जास्त खराब होते.

सध्या मॉड्युलर किचनची संकल्पना सुरू झाल्यापासून, त्याची लोकप्रियता कमी झाली आहे. पण तरीही, जर तुमच्या घरात भांडी ठेवण्याचे स्टँड असेल तर ते स्वच्छ करण्यासाठी पुढील गोष्टी वापरू शकता.

व्हिनेगर

भांडी ठेवण्याच्या स्टँडवरचा चिकटपणा कमी करण्यासाठी तुम्ही व्हिनेगरचा वापर करू शकता. यासाठी 1 चमचे व्हिनेगर आणि 2 चमचे पाणी टाकुन मिश्रण तयार करावे. नंतर ते स्टँडवर लावावे आणि घासावे. नंतर कोमट पाण्याने स्टँड पुसून कोरड्या कापड्याने स्वच्छ करावे.

बेकिंग सोडा

घरातील भांडी ठेवण्याचे स्टँड स्वच्छ करण्यासाठी बेकिंग सोडा वापरू शकता. यासाठी सर्वात पहिले एका भांड्यात बेकिंग सोडा आणि पाणी एकत्र करून पेस्ट तयार करावी. नंतर ते भांडीच्या स्टँडवर ठेवावे आणि २० मिनिटे तसेच राहु द्या. आता डिशवॉशने स्वच्छ करावे आणि शेवटी कोमट पाण्याने स्टँड धुवावे आणि कोरडे करावे.

अशी घ्या काळजी

भांडे ठेवण्याचे स्टेनलेस स्टीलचा स्टँड बराच काळ स्वच्छ आणि चमकदार ठेवण्यासाठी, ऑलिव्ह ऑइलमध्ये सूती कापड भिजवावे आणि घासून घ्यावे. लक्षात ठेवावे की जास्त तेल वापरू नये.