Cleaning Tips: साधारणपणे कप घरांमध्ये दिवसांतून एक किंवा दोनदा वापरले जातात. पण जर तुम्ही कप स्वच्छ करत नसाल तर त्यावर तपकिरी आणि पिवळसर डाग पडतात. हे डाग इतके मजबुत होतात की सामान्य डिशवॉशने स्वच्छ होत नाही. तुम्ही असे कप फेकून देण्याचा विचार करत असाल तर असे करू नका. कारण काही ट्रिक वापरून तुम्ही हे डाग काढू शकता.

दाताची गोळी

कप स्वच्छ करण्यासाठी तुम्ही दाताची गोळी वापरू शकता. यासाठी एका कपमध्ये गरम पाण्यासोबत गोळी टाकून 10 मिनिटे तशीच ठेवावी लागेल. नंतर सामान्य डिशवॉशने धुवावे. तुमचा कप नवासारखा चमकेल.

बेकिंग सोडा

डाग काढण्यासाठी बेकिंग सोडा फार पूर्वीपासून वापरला जात आहे . कपावरचे चहा-कॉफीवरचे डाग घालवण्यासाठी सुद्धा याचा वापर करू शकता. यासाठी कपमध्ये २ चमचे बेकिंग सोडा गलम पाण्यात मिक्स करावे कपमध्ये १० मिनिटं ठेवावे. नंतर कप स्क्रबरने स्वच्छ करावा.

टुथपेस्ट

कपमधील तपकिरी डाग टूथपेस्टने देखील घालवता येतात. यासाठी कपच्या पुर्ण भागावर टूथपेस्ट पूर्णपणे लावून ठेवावे. नंतर स्क्रबरने स्वच्छ करावे. असे केल्याने कप पुन्हा नव्यासारखा चमकू लागेल.