प्रत्येकाला आयुष्यात सुख आणि शांती हवी असते. यासाठी सर्वजण देवाचा धावा करतात. पण, नकळत आपण काही अशा गोष्टी करतो ज्यामुळे आपल्याला अडचणींचा सामना करावा लागतो. आपण आपल्या नशिबाला दोष देतो.

आपण दैनंदिन जीवनात नकळत केलेल्या चुकीच्या गोष्टींचे नकारात्मक परिणाम आपल्याला भोगावे लागतात. या गोष्टींबाबत ज्योतिषशास्त्रात काही नियम आणि उपाय सांगण्यात आले आहेत. या उपायांचे पालन केल्याने तुम्हाला जीवनातील त्रास कमी होऊन आनंद मिळू शकतो. (Astro Tips For Happy Home)

'हे' उपाय करा

• ज्योतिष शास्त्रानुसार जर तुम्हाला आर्थिक संकटातून मुक्ती मिळवायची असेल तर रविवारी उंबराच्या झाडाची पूजा करा. यामुळे तुमच्यावर लक्ष्मीची कृपा होईल.

• रोज सूर्योदयाच्या वेळी पूर्वेला तोंड करून रुद्राक्षाच्या माळा घालून सूर्यासमोर गायत्री मंत्राचा जप केल्याने भाग्य उजळते.

• घरी रोज नित्यनेमाने पूजा करावी. पूजा केल्यानंतर रोज संध्याकाळी तुळशीसमोर दिवा लावावा. यामुळे घरात सकारात्मक ऊर्जा राहते.

• पुजा पाठासाठी वापरलेल्या फुलांचा किंवा इतर साहित्याचा अवमान करू नका. सुकलेली फुले वाहत्या पाण्यात अर्पण करा. ते शक्य न झाल्यास खड्डा खोदून त्यात टाका.

• वास्तुशास्त्रानुसार नेहमी पूर्व दिशेला बसून भोजन केल्याने जीवनात सुख प्राप्ती होते.

• महादेवाला अभिषेक केल्याने भाग्यातील बाधा दूर होतात.