Astro Tips: अलिकडच्या काही काळात मुलं अत्यंत हट्टीपणा करताना पाहायला मिळतात. त्यांच्या वयानुसार त्यांच्या स्वभावाकडे आपण दुर्लक्ष करतो. पण कधीकधी मुलं इतकी चिडचिडपणा करतात की त्यांच्या रागाला काही थारा राहात नाही.

मग त्यांच्या या रागाकडे आपण लक्ष देऊ लागतो. पण या रागाला कसा आवर घालायचा हे मात्र आपल्याला समजत नाही. ज्योतिषशास्त्रात सांगितल्या प्रमाणे मुलांच्या अशा चिडचिड करण्याच्या स्वभावाला काही उपाय सांगितले आहेत. हे उपाय केल्यास तुम्हाला नक्कीच फायदा मिळेल.

• कोणता उपाय कराल?

लहान मुलांचा चिडचिडपणा कमी करण्यासाठी तुम्ही अर्धा किलो गव्हाचं पीठ आणि अर्धा किलो साखरेची पावडर हे मिश्रण एकत्र करावे. आता हे मिश्रण तुमच्या मुलाच्या डोक्यापासून पायापर्यंत सात वेळा उतरवावे. असे केल्यानंतर हे पीठ कोणत्याही झाडाच्या मुळाशी असलेल्या मुंग्यांना खाऊ घालावे. मुंग्यांना पीठ खायला घालणे अत्यंत शुभ मानले गेले आहे.

• हा उपाय कधी करावा?

मुलांचा चिडचिडपणा कमी करण्यासाठी 11 शुक्रवार हा उपाय करावा. मुलांचा हट्टीपणा कमी करण्यासाठी हा एक रामबाण उपाय मानला जातो.

• मुंगीलाच का खायला द्यावं पीठ?

धार्मिक मान्यतेनुसार, मुंगीला कीटकांच्या श्रेणीमध्ये नकारात्मक प्राणी म्हणून पाहिले गेले आहे. त्यामुळे तुम्ही या नकारात्मक प्राण्याला जितके जास्त खायला द्याल, तितकी तुमच्या मुलाच्या शरीरातून नकारात्मकता दूर होईल आणि त्याच्या स्वभावात चमत्कारिक बदल दिसून येतील. 11 शुक्रवार हे उपाय केल्यास तुमचे मूल तुमची आज्ञा पाळायला सुरूवात करेल. त्याचा चिडचिडेपणा नाहीसा होईल.