Alambi Ranbhaji: पावसाला सुरुवात झाली की विविध रानभाज्यांची रेलचेल असते. गावाकडे राहणाऱ्यांना तर या भाज्यांची चव तर चाखायलाच मिळतेच मात्र शहरात राहणाऱ्यांना देखील या रानभाज्या उपलब्ध होतात. आज आपण अशाच एका रानभाजी बद्दल जाणून घेणार आहोत. ही भाजी म्हणजे अळंबीची भाजी होय.

पावसाळ्यात खूप आवडीने खाल्ली जाणारी अळंबी ही लोकांची आवडती रानभाजी आहे. परिसरात अशी अळंबी आपोआप उगवतात. अनेक ठिकाणच्या जंगल परिसरात अशी पांढरीशुभ्र अळंबी उगवतात. मात्र अळंबी शोधताना ती काळजीपूर्वक तपासून शोधावी लागतात. कारण किंचित पिवळसर, पिवळीधमक, किंचित काळसर, ओंडक्यांवर उगवणारी अळंबी विषारी असतात.

सकाळी लवकर टोपीसारखी दिसणारी अळंबी नंतर पूर्ण उमलल्यावर छत्रीसारखी दिसतात. घरी आणलेली अळंबी पाण्यात धुवून स्वच्छ पुसून घेतल्यावर कापून त्याच्या फोडी करतात. कांदाच्या पातीची भाजी करण्यासाठी जी पद्धत वापरतो त्याच पद्धतीने अळंबीची भाजी करतात. कोकम घातलेली अळंबीची भाजी देखील चविष्ठ असते. लोखंडी तव्यावर शिजवलेली अळंबीची भाजी अधिक चवदार लागते.

अळंबीची भाजी कशी करावी

साहित्य

1 वाटी खोबरे, 1मोठा कांदा, लसून, 50 ग्रॅम अळंबी चिरलेली

1चमचा गरम मसाला, 1चमचा लाल तिखट

मीठ, तेल

कृती

अळंबीचे तुकडे करुन घ्या. तव्यावर तेलात कांदा लाल होईपर्यंत भाजून घ्या. अळंबी घालून मिक्स करा त्यानंतर त्यात मसाले घालून घ्या. पाणी आटेपर्यंत गॅस सुरु ठेवा. त्यानंतर तुम्ही या रुचकर पदार्थाची चव चाखू शकता.