गोवा विधानसभा निवडणुकीच्या पार्श्वभूमीवर काँग्रेस नेते खासदार राहुल गांधी (Rahul Gandhi) हे आज गोवा दौऱ्यावर आहेत.

यावेळी त्यांनी घरोघरी प्रचार करून गोव्यातील जनतेशी संवाद साधला.

जनतेने कॉंग्रेसलाच मत देऊन सत्तेवर आणावे, असे आवाहन त्यांनी या घरोघरी प्रचारावेळी केले.

दरम्यान, आजच्या सभेत त्यांनी आपल्या उमेदवारांकडून पक्षांतर न करण्याची प्रतिज्ञापत्रावर स्वाक्षरी घेतल्या.

काही दिवसांपूर्वी केजरीवाल हे गोव्यात आल्यावर त्यांनीदेखील गोव्यातील आपल्या उमेदवारांकडून पक्षांतर न करण्याची आणि भ्रष्टाचार न करण्याची कागदोपत्री शपथ नोंदवून घेतली होती. आज कॉंग्रेसनेही तेच केले. पण कॉँग्रेसचा हा शपथविधी त्यांचे पक्षांतर रोखणार का? असा सवाल उपस्थित होत आहे.