भाजप उमेवारांच्या प्रचारार्थ आज केंद्रीय संरक्षण मंत्री राजनाथ सिंग (Rajnath Singh) गोव्यात दाखल झाले असून, यांच्या जाहीर सभांचे आयोजन करण्यात आले आहे.

राजनाथ सिंग यांच्या दोन सभा दक्षिण गोव्यात (South Goa) होतील. त्यापुर्वी ते म्हार्दोळ येथील म्हालसा देवीचे दर्शन घेणार आहेत.

त्यानंतर फोंडा मतदारसंघाचे भाजपा उमेदवार रवी नाईक यांच्या प्रचारार्थ 5 वाजता जाहीर सभा फोंडा बसस्थानकावर होणार आहे. त्यांची दुसरी सभा वास्को मतदारसंघाचे भाजप उमेदवार दाजी साळकर (Daji Salkar) यांच्या प्रचारार्थ संध्याकाळी 7 वाजता नगरपालिका इमारतीसमोरील जागेत होणार आहे.

भाजप प्रदेशाध्यक्ष सदानंद तानावडे, केंद्रीय मंत्री श्रीपाद नाईक आणि माजी खासदार नरेंद्र सावईकर यांच्या हस्ते त्यांचे गोवा विमानतळावर स्वागत करण्यात आले.

गोवा विधानसभा निवडणुकीच्या पार्श्वभूमीवर भारतीय जनता पक्षातील प्रमुख केंद्रीय नेते गोव्यात दाखल होत आहेत. शिवाय यावेळी पुन्हा एकदा भाजपच सत्तेवर येणार असल्याचा विश्वास पक्षाने व्यक्त केला आहे. त्यामुळे यंदाच्या निवडणुकीकडे सर्वांचेच लक्ष लागून राहिले आहे.