गोव: गोव्याला समृद्ध असा ऐतिहासिक वारसा लाभला आहे. गोव्यातील गडकिल्ले याची साक्ष देतात.

गोव्यातील गडकिल्ले: पोर्तुगिजकालीन गोव्यातील गडकिल्ले पाहण्यासाठी दरवर्षी लाखो पर्यटक येतात. आज आपण या फोटोस्टोरीच्या माध्यमातून तेरेखोलच्या किल्ल्याविषयी जाणून घेणार आहोत.

तेरेखोलचा किल्ला: महाराष्ट्र आणि गोवा सीमेवर एक ऐतिहासिक किल्ला आहे. हा किल्ला ज्या गावात आहे ते गाव महाराष्ट्र राज्यात येते. मात्र, किल्ला हा पेडणे, गोवा राज्यात येतो.

कुठून जायचं: मालवणहून वेंगुर्ले आणि वेंगुर्ल्याहून बसने तेरेखोल गावात जाता येते. तेरेखोल गावातूनच किल्यापर्यंत जाण्याचा रस्ता आहे.

अलिशान हॉटेलमध्ये रुपांतर: हा किल्ला गोव्यात येत असल्याने गोवा सरकारने या किल्ल्याचे अलिशान हॉटेलमध्ये रुपांतर केले आहे. या किल्ल्यावरुन समुद्राचे अतिशय विहंगम दृष्य पाहायला मिळते.

मराठ्यांचा ताबा: 1794 मध्ये काही काळ हा किल्ला मराठ्यांच्या ताब्यात होता. मात्र, पोर्तुगिजांनी पुन्हा हा किल्ला जिंकून घेतला.

टेकडीवर किल्ला: महाराष्ट्र आणि गोवा राज्याच्या सीमेवर तेरेखोल नदी जिथे समुद्राला मिळते त्या तेरेखोल खाडीच्या मुखाजवळील टेकडीवर तेरेखोलचा किल्ला आहे.