शिमगोत्सवामध्ये (Shigmo Festival) गायन, वादन, नृत्य आणि अभिनय यांची जोशपूर्ण आतषबाजी शिमग्याच्या निमित्ताने ऐकायला मिळते.

या उत्सवावेळी प्रत्येक गावात नवचैतन्य संचारते, ढोल, ताशे, समेळ, घुमट, कासाळे, झांज, यांचा आवाज सर्वसामान्य खेळ गड्यांच्या मनात आनंद लहरी उमटवतो, तोडा तोणयामुळे, तारगडी ही लोकनृत्ये सादर करणारे मेळ प्रत्येक वाड्या वाड्यावरून बाहेर पडतात.

समईच्या पेटत्या ज्योतीला साक्ष ठेवून शिमग्यात म्हटल्या जाणा-या गाण्यांना ज्योती, म्हटले जाते. मांडावरील नमन होताच गावच्या देवासमोर नमन घातली जाते. ढोल, तासे, कासाळे ही वाद्ये सूर धरून धरून वाजू लागतात.

गोव्यातील शिमगोत्सवात (Shigmo Festival) छत्रीची पूजा केली जाते. तळी` लोकांच्या घरासमोरील अंगणात मेळ नाचायला आला की घरातील महिला एका ताटात नारळ, तांदूळ दरवाज्यात आणून ठेवतात. यालाच तळी असे म्हणतात. मेळात छत्री नाचवली जाते. या छत्रीची पूजा केली जाते.

गोव्यात (Goa) शिमगोत्सवाची (Shigmo Festival) सुरुवात फोंड्यातून होणार असून पुढे मडगाव,वास्को, पणजी आणि म्हापसा येथे साजरा केला जाणार आहे.

शिगमोत्सवामध्ये (Shigmo Festival) गोव्यात मांडावर किंवा मंदिरासमोर पौराणिक, ऐतिहासिक किंवा सामाजिक नाटके सादर केली जातात. गावच्या परंपरेप्रमाणे सीमेपर्यंत देव-देवतांची पालखी वाजत गाजत काढली जाते. तेथे प्रत्येक धार्मिक विधी करून मूळस्थानी परत येतात. काही गावात पालखी प्रत्येक घरासमोर येऊन तिची खणा नारळाने ओटी भरली जाते.