'दिलबर गर्ल' नोरा फतेही (Nora Fatehi) आणि पंजाबी गायक गुरु रंधावा (guru randhawa) यांनी 'नाच मेरी रानी' या म्युझिक व्हिडिओमध्ये एकत्र काम केले होते. अलीकडेच नोरा आणि गुरूचे काही फोटो सोशल मीडियावर व्हायरल होत आहेत, ज्यामध्ये दोघेही गोव्याच्या बीचवर (goa beach) दिसत आहेत. नोरा आणि गुरुचे हे फोटो (Photo) पाहून लोक अंदाज लावत आहेत की दोघेही एकमेकांना डेट करत आहेत.

फोटोंमध्ये नोरा पांढऱ्या क्रॉप टॉप आणि ब्लॅक शॉर्ट्समध्ये दिसत आहे. अभिनेत्रीने तिचे केस मोकळे सोडले असून ती या लूकमध्ये हॉट दिसत आहे. तर गुरू ग्रे प्रिंटेड शर्ट आणि शॉर्ट्समध्ये दिसत आहे. दोघेही गोव्याच्या किनाऱ्यावर फिरताना आणि एकमेकांशी बोलताना दिसत आहेत. नोरा आणि गुरूचे हे फोटो पाहून दोघांचे अफेअर असल्याची शक्यता वर्तवली जात आहे. कदाचित दोघे एखाद्या गाण्याच्या शूटसाठी गोव्याला गेले असतील मात्र नोरा आणि गुरुचे हे फोटो सोशल मीडियावर खूप चर्चेत आहेत.

नोराबद्दल सांगायचे तर, नुकतेच ती 'सत्यमेव जयते 2' चित्रपटातील 'कुसु कुसू' या गाण्यात दिसली होती. या गाण्यातील तीची अदा लोकांना खूप आवडली होती. या चित्रपटाच्या पहिल्या भागातील नोराचे 'दिलबर दिलबर' हे गाणेही खूप गाजले होते. नोराने सलमान खानचा चित्रपट 'भारत' आणि अजय देवगणच्या 'भुज: द प्राइड ऑफ इंडिया' या चित्रपटातही आपले अभिनय कौशल्य दाखवले आहे, ज्याची सिनेरसिकांनी खूप प्रशंसा केली.

दरम्यान, नारा आणि गुरू दोघे कोणत्या म्युजिक व्हिडीओसाठी एकत्र आले आहेत की ते रिलेशनशिपमध्ये आहेत हे सध्या स्पष्ट झाले नाही. नोरा आणि गुरुने नाच मेरी राणी या म्युझिक व्हिडीओमध्ये एकत्र काम केले आहे. हे गाणं प्रेक्षकांच्या पसंतीस उतरल्यानंतर दोघेही रिलेशनशिपमध्ये यायला पाहिजे अशी त्यांच्या चाहत्यांची इच्छा होती.