माजोर्डा येथील आयोजित सभेत त्यांनी जनतेशी संवाद साधला. यावेळी त्यांनी स्व. लता मंगेशकर यांच्या प्रतिमेला अभिवादन करून त्यांच्या आठवणींना उजाळा दिला.

गोव्यातील लोकांनी कॉंग्रेस पार्टीला एक संधी द्यावी. आम्ही गोव्याच्या विकासासाठी दिवस रात्र काम करू. आम्हाला गोवा परत एकदा गोमंतकीयांच्या हातात द्यायचा आहे, असे असे त्या यावेळी म्हणाल्या.

त्या म्हणाल्या, कोरोना, नोटाबंदी आणि जीएसटीमुळे राज्यातील लघु व मध्यम व्यवसायांना प्रचंड नुकसान झाले आहे. यांना सरकारकडून कोणतीही मदत मिळालेली नाही. या व्यवसायांना परत उभे करणे गरजेचे आहे. कॉंग्रेस पार्टी यावर काम करेल.

गोव्यातील माजोर्डा येथे आयोजित सभेत प्रियंका गांधींनी भाजप सरकारवर शरसंधान साधलं. भाजपसाठी गोवा ही फक्त त्यांची ग्रीड पूर्ण करण्यासाठी आहे. त्यांना आणि त्यांच्या उद्योजक मित्रांना फायदा करुन घेण्यासाठी भाजपचे प्रयत्न असतात, अशा शब्दात प्रियंका गांधींनी भाजप नेत्यांचा समाचार घेतला.

'कॉंग्रेस पार्टी सत्तेत आल्यास सरकारी नोकऱ्यांमद्धे 30% जागा महिलांसाठी आरक्षित केल्या जातील. मडगाव (Margao) आणि पणजीत वर्किंग वुमन्स हॉस्टेल उभारण्यात येईल. याचबरोबर न्याय योजनेतून गरीब कुटुंबाला महिन्याकाठी 6 हजार देण्याचे आश्वासन त्यांनी यावेळी केले. शिवाय महिलांनी जास्तीत जास्त प्रमाणात राजकारणात यावे, असे मतदेखील त्यांनी व्यक्त केले.