भारतीय क्रिकेटपटू शिवम दुबे काल शुक्रवारी लग्नबंधनात अडकला. त्यांने ट्विटद्वारे याबाबत माहिती दिली. या अष्टपैलू खेळाडूने मुंबईत त्याची मैत्रीण अजूम खान हिच्याशी लग्न केले आहे.(Indian Cricketer shivam dubey married withAjum Khan)

एका फोटोमध्ये शिवम अजूमबरोबर प्रार्थना करताना दिसत आहे तर त्याचवेळी एका फोटोमध्ये शिवम आणि त्याची पत्नी एकमेकांना अंगठी घालताना दिसत आहेत.

या लग्नात हिंदू-मुस्लिम प्रथांची झलक स्पष्टपणे दिसून आली. शिवमने टीम इंडियाकडून एक वनडे आणि 13 टी -20 आंतरराष्ट्रीय सामने खेळले आहेत. त्याचबरोबर त्याने 21 वेगवेगळ्या संघांसह आयपीएलमध्येही आपली उत्तम कामगिरी बजावली आहे. शिवम सध्या राजस्थान रॉयल्ससोबत आहे.

2018 मध्ये रणजी करंडक स्पर्धेदरम्यान बडोद्याविरुद्धच्या सामन्यात शिवम दुबेने एका ओवरमध्ये पाच षटकार ठोकले होते त्याने त्याचे खुप कौतुक झाले होते आणि तो चर्चेत आला होता. शिवमने दोनदा हा पराक्रम केला आहे.

याआधी टी -20 मुंबई लीगमध्ये त्याने प्रवीण तांबेच्या षटकात पाच षटकार ठोकले आहेत. रणजीच्या कामगिरीच्या जोरावर आयपीएल 2019 च्या लिलावात त्याला मोठी रक्कम मिळाली होती. त्याला रॉयल चॅलेंजर्स बेंगलोरने पाच कोटींमध्ये खरेदी केले होते.