प्रजासत्ताक दिन दरवर्षी २६ जानेवारीला साजरा केला जातो. यंदा २०२५ मध्ये, आपण ७६ वा प्रजासत्ताक दिन साजरा करणार आहोत.

२६ जानेवारीला नवी दिल्लीतील कर्तव्य पथावर भव्य लष्करी आणि सांस्कृतिक कार्यक्रमांचं आयोजन केलं जातं. देशभरातील शाळा, महाविद्यालये आणि विविध संस्थांमध्येही ध्वजारोहण, परेड, सांस्कृतिक कार्यक्रम आणि देशभक्तीपर स्पर्धांचं आयोजन केलं जातं.

जगभरातील भारतीयांना ही परेड पाहता यावी यासाठी प्रसारमाध्यमांवरून परेडचं थेट प्रक्षेपण करण्यात येतं. दूरदर्शनच्या डीडी नॅशनल या वाहिनीवर परेडचे थेट प्रसारण केलं जातं.

दूरदर्शनच्या अधिकृत यूट्यूब चॅनेलवरही परेडचं थेट प्रक्षेपण पाहता येणार आहे. दूरदर्शनसोबत आकाशवाणीच्या अधिकृत रेडिओ वाहिनींवर याचे थेट प्रसारण तुम्ही ऐकू शकता.

प्रजासत्ताक दिनाचा कार्यक्रम सकाळी ७.३० वाजता राष्ट्रपती द्रौपदी मुर्मू यांच्या हस्ते ध्वजारोहणानं सुरू होईल. २६ जानेवारी रोजी सकाळी ९ वाजल्यापासून दूरदर्शनच्या यूट्यूब चॅनलवर स्ट्रीमिंग दिसेल.