काणकोण: गालजीबाग नदीचे मुख किनारा फोडून दुभंगल्याने मुखाच्या बाजूला वाळूचे दांडे तयार झाले आहेत.या किनाऱ्यावरील सुमारे पंचवीस सुरूची झाडे वाहून गेली. सद्या गालजीबाग नदीच्या वरच्या पात्रात ओहटीच्यावेळीही पाण्याची पातळी कमी होत नाही त्यामुळे नदीच्या दोन्ही किनाऱ्या लगतच्या बागायती व घराना धोका संभवतो.याची दखल लोलयेचे येथील स्थानिक पंच निशांत प्रभू देसाई यांनी घेऊन पंचायती मार्फत बंदर कप्तान, समुद्र विज्ञान संस्था यांना उपसभापती इजिदोर  फर्नांडीस मार्फत उपाय योजना करण्यासाठी निवेदन देण्याचे ठरविले आहे. (Goa)