हाँगकाँगचे (Hong Kong) आयकॉनिक जंबो फ्लोटिंग रेस्टॉरंट (Jumbo Floating Restaurant) अनेक वर्षांपासून पर्यटकांचे प्रमुख आकर्षण राहिले आहे. जंबो फ्लोटिंग रेस्टॉरंट 1976 मध्ये उघडण्यात आले होते तर ते कॅन्टोनीज खाद्यपदार्थांमध्ये उच्च श्रेणीचे मानले जात होते. ()

रेस्टॉरंट अनेक वर्षांपासून हाँगकाँगमधील एक ऐतिहासिक आणि अद्वितीय संस्था होती. या रेस्टॉरंटमध्ये क्वीन एलिझाबेथ आणि हॉलिवूडचा सुपरस्टार टॉम क्रूझ यांसारख्या ख्यातनाम व्यक्तींचे आयोजन करण्यात आले होते.

कोविड 19 महामारीच्या वेळी हे रेस्टॉरंट बंद ठेवण्यात आले होते, तेव्हापासून ते उघडलेले नाहीये. या जुन्या रेस्टॉरंटचे पुनरुज्जीवन करण्यासाठी अनेक वर्षे प्रयत्न केले जात असले तरी, रेस्टॉरंटच्या मालकांना ते पुन्हा सुरू करण्यासाठी कोणतेही गुंतवणूकदार सापडले नाहीत. अखेरीस ते हाँगकाँगमधील एबरडीन बंदरातून काढून टाकण्यात आले आहे.

हे रेस्टॉरंट चालवणाऱ्या एबरडीन रेस्टॉरंट एंटरप्रायझेसने प्रसारमाध्यमांना सांगितले आहे की, व्यवसाय चालवण्याचा खर्च दिवसेंदिवस वाढत चालला आहे. रेस्टॉरंटमध्ये सतत पैसे गुंतवणे आम्हाला अशक्य झाले होते. कंपनी दरवर्षी देखभाल आणि तपासणीसाठी लाखो डॉलर्स खर्च करत होती, परंतु त्यांना मिळालेल्या महसुलातून फारसा फायदा झाल्याचे दिसून येत नाही.

येणाऱ्या भविष्यात हा व्यवसाय पुन्हा सुरू होईल असे आम्हाला वाटत नाही, असे कंपनीने म्हटले आहे. रेस्टॉरंट अनेक बोटींच्या मदतीने दूर नेण्यात आले होते, ज्यामध्ये स्थानिक लोकांचा एक छोटासा जमाव होता, जे त्याला निरोप देण्यासाठी देखील जमले होते.

त्याला शेवटचे पाहण्यासाठी उपस्थित असलेल्या अनेक प्रेक्षकांनी प्रतिक्रियेमध्ये एक युग संपल्याचे म्हटले आहे. यापूर्वी, अनेक स्थानिक राजकारण्यांनी सरकारी गुंतवणुकीसह रेस्टॉरंटचे संरक्षण करण्याची इच्छा व्यक्त केली होती, परंतु हाँगकाँगच्या मुख्य कार्यकारी कॅरी लॅम यांनी ही कल्पना नाकारली.