गोव्यातील खाद्य परंपरेत तांदूळ आणि नारळाचा जास्त वापर होतो. या दोन्हींचा वापर करून एक खास पदार्थ कोकणामध्ये बनतो. तो पदार्थ कोणता आहे याची आपण माहिती घेऊ.
गोव्यात सण अजूनही परंपरिक पद्धतीने साजरे होतात. श्रावण सुरू झाला की सणांची रेलचेल सुरू होते आणि त्याबरोबरच खास गोवन चवीचे पदार्थ.
श्रावणातील पहिला सण नागपंचमी असतो. या निमित्याने पातोळ्या हा खास पदार्थ केला जातो. याचबरोबर गणेश चतुर्थीमध्येही हा पदार्थ केला जातो.
पातोळ्या बनवताना लागणारी महत्वाची गोष्ट म्हणजे हळदीचे पान. या पद्धतीमुळे या गोड पदार्थाचे महत्व वाढते.
गूळ, ओले खोबरे, तांदळाची पिठी, वेलदोडयाची पूड आणि हळदीचे पान या गोष्टी पातोळ्या बनवण्यासाठी लागतात.
ओले खोबरे, गूळ आणि वेलदोडयाची पूड शिजवून आधी सारण बनवतात. त्यानंतर तांदूळ शिजवून उकड बनवतात. हळदीच्या पानावर उकड थापून त्यावर सारण पसरवून मग पान दुमडावे आणि वाफवून घ्यावे.
वाफवून झाल्यावर हळदीचे पान बाजूला काढून गरमगरम पातोळ्या साजूक तुपासोबत खाव्यात.
इंडियन कॅथलिक याला ईस्ट इंडियन लीफ केक असेही म्हणतात. पातोळ्या हा पदार्थ त्यांच्यातही विविध कार्यक्रमांमध्ये केला जातो.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.