पर्यटकांचे आकर्षण असलेल्या गोव्यात वेश्या व्यवसायही तेजीत चालू असून गोव्यातील या व्यवसायाची सर्व सूत्रे दिल्ली आणि मुंबईसारख्या महानगरीतून हलवली जात असल्याचे आढळून आले आहे.

यामुळेच सर्व राज्यांनी एकत्र येऊन अशा व्यावसायिकांवर कारवाई करण्यासाठी एक यंत्रणा उभारण्याची गरज व्यक्त केली जात आहे.

गोव्यातील हा व्यवसाय निपटून काढण्यासाठी केंद्रीय गृहमंत्री अमित शहा यांच्याकडे आपण हा प्रश्न मांडू असे आश्वासन मुख्यमंत्री सावंत यांनी त्यांना यावेळी दिले.

गोव्यात या व्यवसायाला जुंपलेल्या किमान 12 हजार युवती असण्याची शक्यता असून यातील बहुतेक युवती 20 ते 25 या वयोगटातील असल्याची माहिती त्यांनी दिली.

गोव्यात चालू असलेले हे ‘सेक्स रॅकेट’ अत्यंत सुनियोजित रीतीने चालत असते. मुंबई, दिल्ली, बंगळुरूसारख्या शहरांत त्याचे मुख्य म्होरके बसलेले असतात.

या व्यवसायात वेगवेगळ्या राज्यांतील व्यक्ती गुंतलेल्या असल्याने त्यांच्यावर कारवाई करण्यासाठी वेगवेगळ्या राज्यांच्या अधिकाऱ्यांचा समावेश असलेली पथके असणे आवश्यक असल्याचे मत पांडे यांनी व्यक्त केले.