Loksabha Election : विकसित भारतासाठी मतदान करा! मुख्यमंत्री सावंत

Loksabha Election :

फोंडा, विकसित भारताचे स्वप्न साकार करण्यासाठी आणि नारी शक्ती, किसान शक्ती तसेच गरीब कल्याणासाठी पंतप्रधान नरेंद्र मोदी यांना पुन्हा एकदा प्रधानमंत्री होण्यासाठी राज्यातील दक्षिण आणि उत्तर गोव्यातील भाजपच्या दोन्ही उमेदवारांना निवडून द्या आणि नरेंद्र मोदींचा हात बळकट करा, असे आवाहन मुख्यमंत्री डॉ. प्रमोद सावंत यांनी केले.

फोंड्यातील बसस्थानकावर आज भाजप उमेदवार पल्लवी धेंपे यांच्या प्रचार सभेत सावंत बोलत होते.

यावेळी उमेदवार पल्लवी धेंपे, प्रदेशाध्यक्ष सदानंद तानावडे, मंत्री रवी नाईक, सुदिन ढवळीकर, सुभाष शिरोडकर, गोविंद गावडे तसेच मगो पक्षाचे अध्यक्ष दीपक ढवळीकर, माजी खासदार नरेंद्र सावईकर, माजी मंत्री विनय तेंडुलकर, नगराध्यक्ष रितेश नाईक, फोंडा भाजप मंडळाचे अध्यक्ष विश्‍वनाथ दळवी, मगोपचे केतन भाटीकर व इतर नेते उपस्थित होते.