आयुष्य नावाच्या स्क्रीनची बॅटरी जेव्हा लो होते तेव्हा पॉवर बँक म्हणून जे मदतीला येतात, जे साथ देतात ते 'मित्र' असतात.

गेल्या दोन वर्षापासून कोविड च्या प्रादुर्भावामुळे सगळ्या सणांसारखा हा फ्रेंडशिप डे देखील उदास वाटू लागलाय. यंदाही फ्रेंडशिप डे तसाच साजरा होत आहे.

फ्रेंडशिप डे चा जेव्हा उल्लेख होतो तेव्हा डोळ्यासमोर येते मित्रांसोबत घालवलेले काही खास क्षण. हे ते क्षण असतात ज्यांना आपण जगलो असतो. आपल्या स्वीट मेमरीमध्ये हे क्षण कैद केलेले असतात.

लोक ब्रेसलेट आपल्या मित्र-मैत्रिणींच्या हातात बांधतात. हा बँड मैत्रीचे प्रतीक म्हणून एकमेकांना देतात. तोच वारसा पुढे सगळ्या जगात अजूनही सुरू आहे.

शाळेत असताना विविध आकाराचे, रंगाचे हे फ्रेंडशिप बँड तुम्ही मित्र- मैत्रिणींच्या हातावर बांधतात. कोणी स्पेशल मित्र किंवा मैत्रीण जर हा बँड बांधणार असेल तर तुम्ही मात्र हाताचा पुढचा भाग या स्पेशल बँडसाठी राखीव ठेवतच असणार. हेच ते क्षण कॅमरामध्ये क्लिक करायचे असतात.

कॉलेजमध्ये देखील अनेक जण आतुरतेने वाट बघत. एकमेकांना भेटून एकमेकांसोबत फोटो क्लिक करत हा दिवस जल्लोषात साजरा करतात.

मैत्रीसह दोस्ती, यारी, जान अशी या निःस्वार्थ नात्याची अनेक नाव आहेत. 'तू कर रे मी आहे ना', अश्या सुख-दुःखाच्या काळात नेहमी पाठीशी उभे असलेले ते बेधडक मित्र.