भारतीय नौदल आणि फ्रेंच नौदल यांच्यात पाच दिवसीय संयुक्त सराव नुकताच गोव्यात पार पडला.

वास्को येथील मुरगाव बंदरात 16 ते 20 जानेवारी या कालावधीत हा संयुक्त सरवा पार पडला.

पॅसिफिक प्रदेशाचे रक्षण करण्यासाठी मित्र राष्ट्रांसोबत काम करण्यासाठी फ्रान्स कटीबद्ध असल्याचा संदेश या सरवाच्या माध्यमातून देण्यात आला.

यावेळी फ्रान्स आणि भारतीय नौदल अधिकारी उपस्थित होते.

भारतीय नौदल जवानांना भेटताना फ्रेंच अधिकारी

फ्रेंच स्ट्राइक ग्रुपचे चार्ल्स डी गॉल ही विमानवाहू नौका यावेळी मैत्रीपूर्ण भेटीसाठी मुरगाव बंदरावर आली होती.

नौदल सराव दोन्ही देशांसाठी महत्वाचा असल्याचे यावेळी फ्रेंच नौदल अधिकाऱ्यांनी सांगितले.

वरूना असे या संयुक्त सरावाला नाव देण्यात आले होते.

भारतीय नौदलासोबत काम करणे खरोखरच छान बाब आहे. आंतरराष्ट्रीय कायद्याचा आदर राखण्यासाठी आणि समुद्रातील अवैध तस्करीशी लढा देण्यासाठी आम्ही वचनबद्ध आहोत. असे फ्रेंच सैन्याचे संयुक्त कमांडररियर-अॅडमिरल इमॅन्युएल स्लार्स म्हणाले.

दोन्ही देशांचे संबध खूप मजबूत आहेत, भारताच्या आण्विक चाचण्या आणि कारगिल युद्धाला आम्ही पाठिंबा दिला आहे. असे भारतातील फ्रेंच राजदूत इमॅन्युएल लेनन म्हणाले.

भारत फ्रेंच संयुक्त सरावाचे फोटो भारतीय नौदलाने प्रसिद्ध केले आहेत.

फ्रेंच स्ट्राइक ग्रुपने देखील या सरावाचे फोटो शेअर केले आहे.

पाच दिवसांच्या या सरावाचा शुक्रवारी मुरगाव येथे समारोप झाला.

भारतीय आणि फ्रान्स देशाचा ध्वज.