गोवा राज्यात पावसाने जरा उसंत घेतली आहे. सायंकाळी पावसाच्या हलक्या सरी बरसल्या.

त्याशिवाय दर्यादेखील शांत झाला असल्याने मासेमारीला वेग येऊ लागला आहे.

कुटबण आणि मालीम जेटीवरून अनेक बोटी समुद्रात गेल्या होत्या.

दक्षिण गोव्यात चांगली मासेमारी झाल्याने मच्छीमारांमध्ये उत्साहाचे वातावरण आहे.

उत्तर गोव्यातून अद्याप म्हणावा तसा जोर मासेमारीला आला नसल्याचे मच्छीमारांकडून सांगण्यात आले.

कामगारांची समस्या कायम असल्याने ट्रॉलर्स अद्यापही किनाऱ्याला आहेत.

काही पारंपरीक मच्छीमारांनी नारळी पौर्णिमेनंतरच दर्यात जाण्याचा निर्णय घेतला आहे.

दर्या शांत झाल्याने आठ दिवसांपूर्वी दर्यात सोडलेले ट्रॉलर आज कुटबण जेटीवर बांगडे आणि कोळंबी घेऊन परतले.

आठ दिवस या जेटीवर सामसूम होती.

कालपासून येथील लगबग वाढली. बुधवारी दोन ट्रॉलर कोळंबी घेऊन तडीवर दाखल झाले.