पणजी: गोवा प्रदेश युवक काँग्रेस संघाचे अध्यक्ष अ‍ॅड. वरद मार्डोळकर यांनी सर्वसामान्यांचे प्रश्न मांडण्याची कामगिरी चोख बजावली आहे. मला विश्वास आहे की, युवक काँग्रेस भाजप सरकारवर वॉचडॉग राहील आणि त्यांची लोकविरोधी धोरणे आणि घोटाळे उघडकीस आणेल, असे काँग्रेस अध्यक्ष अमित पाटकर यांनी स्पष्ट केले आहे. (YOUTH CONGRESS WILL BE WATCHDOG ON BJP GOVERNMENT - AMIT PATKAR )

पणजी येथे गोवा प्रदेश युवक काँग्रेस प्रदेश कार्यकारिणीची बैठक पार पडली. यावेळी अमित पाटकर बोलत होते. या बैठकीला भारतीय युवक काँग्रेसच्या सचिव श्रीमती रिची भार्गव आणि युवक काँग्रेसचे अध्यक्ष अ‍ॅड. वरद मार्डोळकर आदी. मान्यवर यावेळी उपस्थित होते.

या कार्यक्रमात बोलताना अ‍ॅड. वरद मार्डोळकर म्हणाले की, "युवा जोडो बूथ जोडो" मोहिमेला प्रोत्साहन देण्यासाठी कठोर परिश्रम करू. प्रत्येक विधानसभा क्षेत्रात तरुण महिलांचा सहभाग सुनिश्चित करणे आणि संघटना मजबूत करणे आवश्यक आहे. यासाठी युवक काँग्रेसच्या कार्यकर्त्यांनी सक्रिय होण्याची गरज असल्याचे मत त्यांनी यावेळी व्यक्त केले.