दाभाळ येथे दूधसागर नदीत ठिकाणी फिरायला गेलेल्या बातोडा येथील युवकाचा बुडून मृत्यू झाला आहे. त्याच्या साथीदाराला वाचवण्यात यश आले आहे. मात्र त्याला गंभीर स्थितीत पाण्यातून बाहेर काढून गोमेकॉत दाखल केले आहे. घटनेची माहिती मिळताच पोलिस दूधसागर (Dudhsagar) य़ेथील घटनास्थळी दाखल झाले, नदीत बुडालेल्या तरूणाचा पोलिस (police) शोध घेत आहेत. या घटनेमुळे परिसरात खळबळ उडाली आहे. पुढील तपास पोलिस करत आहेत.

दरम्यान, बांबोळी येथील नव्या महामार्गावर गुरुवारी रात्री दोन कारमध्ये भीषण अपघात (Accident) झाला. अपघातात इनोव्हा कार आणि स्विफ्ट डिझायर कारमध्ये जोरदार धडक होऊन कारमधील प्रवासी जखमी झाले आहेत. दोन्ही कारच्या चालकांना अपघातामुळे इजा झाल्याने रुग्णालयात (Hospital) दाखल करण्यात आलं आहे. लाल रंगाच्या स्विफ्ट कारच्या चालकाचं गाडीवरुन नियंत्रण सुटल्याने अपघात झाल्याची शक्यता आहे. स्विफ्ट कार डिव्हायडरला धडकून समोरुन येणाऱ्या इनोव्हाला जाऊन आदळली. यामुळे काहीकाळ वाहतुकीचा खोळंबा झाला आहे.