नुवे येथे इमारतीवरून पडून 30 वर्षीय तरुणाचा मृत्यू झाल्याची घटना घडली आहे. कुडतरी पोलिसांनी याबाबत दिलेल्या माहितीनुसार या मृत्यूमागे कोणता ही अनुचित प्रकार असण्याची शक्यता कमी आहे. कारण घटना घडली त्यावेळी मृत तरुण हा मद्यधुंद अवस्थेत होता. अशा अवस्थेत तो बांधकाम सुरु असणाऱ्या इमारतीच्या टेरेसवर झोपण्यासाठी गेला असता ही घटना घडल्याचे स्पष्ट झाले आहे. (Young man dies after falling from building in Nuvem )
पोलीस उपनिरीक्षक करिश्मा प्रभू यांनी घटनास्थळी भेट देऊन पंचनामा केला आहे. यावेळी मिळालेल्या माहितीच्या आधारे पोलीसांना या घटनेत कोणताही अनुचित प्रकार घडला नसावा अशी शक्यता व्यक्त केली असुन, प्रत्यक्ष उपस्थित राहात नोंदवल्या गेलेल्या निरिक्षणाच्या आधारे अनैसर्गिक मृत्यू झाल्याचं नोंद करत गुन्हा दाखल केला आहे.
पंचनामा पुर्ण झाल्यानंतर पोलिसांनी मृतदेह मडगाव येथील दक्षिण गोवा जिल्हा रुग्णालयात ठेवला आहे. तसेच तो योग्य ती प्रक्रिया पुर्ण झाल्यानंतर नातेवाईकांच्याकडे दिला जाणार आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.