गांजा बाळगल्याप्रकरणी वास्को पोलिसाकडून सुमित कुंजन (वय 19) या युवकाला ताब्यात घेऊन त्यांच्याकडून 509 ग्रॅम वजनाचा गांजा जप्त केला. बाजारपेठेत या गांजाची किंमत 50 हजार 900 रुपये एवढी होत आहे.

वास्को (Vasco) पोलिसांकडून मिळालेल्या माहितीनुसार काल रात्री वास्को पोलिस (Police) गस्तीवर असताना वरुणापुरी येथे रात्री 11 वाजता एक युवक हातात काळ्या रंगाची पॉलिथिन पिशवी घेऊन उभा असलेला दृष्टीपथास पडला असता, त्याला पोलिसांनी हटकले.

यावेळी त्याच्या हालचालीवर पोलिसांना संशय आला असता त्याने त्याच्या हातातील पिशवी तपासून पाहिली असता, त्यात पिशवीत पोलिसांना हिरवट पानाचा पदार्थ गांजा असल्याचा संशय आला. त्याने पडताळून पाहिले असता त्यात तपकिरी रंगात 509 ग्राम भजनाची गांजा लपवलेली होती. आंतरराष्ट्रीय बाजारपेठेत त्याची किंमत 50 हजार 900 एवढी होत आहे. आरोपी सुमित कुंजन (वय 19) हा मुंडवेल वाडे येथे पै इमारतीत राहत असून वास्को पोलिसांनी त्याला अटक केली. पुढील तपास वास्को पोलिस स्थानकाचे उपनिरीक्षक गणेश मातोंडकर करीत आहे.