Agonda News : आगोंद, मास्तीमळ, काणकोण येथील मेघना रवींद्र गावकर यांच्या निवासस्थानी महर्षी अध्यात्म विश्वविद्यालय न्यासातर्फे आयोजित योग शिबिराचा १५ हून अधिक स्थानिक महिलांनी लाभ घेतला.

यावेळी योग शिक्षिका शोभा भिडे यांनी सांगितले की, आज आपल्या खाण्या-पिण्याच्या माध्यमातून विविध आजार होत आहेत.

मीठ, साखर, तेलयुक्त पदार्थ आणि वेळ काळाचे पालन न करता जे जे पदार्थ आपण खातो, त्याचा विपरीत परिणाम आरोग्यावर होत असतो.

म्हणून अल्प आहार व योगा करणे आवश्यक आहे. योगामुळेच आपले जीवन आनंदी आणि सुखी होऊ शकतेa. या शिबिरात मास्तीमळ येथील महिला गटाच्या सदस्या आणि सनातन संस्थेचे कार्यकर्ते सहभागी झाले होते.