पिसुर्ले: पिसुर्ले सरकारी माध्यमिक विद्यालयाच्यावतीने जागतिक जलदिनाचे औचित्य साधून आजच्या जीवनात पाणी किती महत्त्वाचे आहे, यासंबंधी मार्गदर्शन तसेच जनजागृती फेरी काढून विद्यार्थी पाण्याचे महत्त्व पटवून दिले.

मुख्याध्यापक सुरज नाईक म्हणाले, पाण्याची गरज मोठी असली तरी वाया जाणारे पाणी वाचविण्यासाठी प्रत्येकाने प्रयत्न केले पाहिजेत. त्यासाठी पाण्याचा वापर जपून करणे गरजेचे आहे. आवश्यक व गरजेपुरताच पाण्याचा वापर व्हायला हवे.

संयोजक भैरू झोरे यांनी पाण्याविषयी माहिती देताना विविध उदाहरणे दिली. त्याचप्रमाणे विद्यार्थ्यांनी आपल्या घरातून पाण्याची बचत करण्यासाठी पुढाकार घेतला पाहिजे, पाण्यासाठी भविष्यात गंभीर संकट येण्याची शक्यता आहे, त्यामुळे आतापासूनच पाणी वाचवले पाहिजे, असे आवाहन करण्यात आले.

यावेळी जल दिनासंबंधी विद्यार्थ्यांनी तयार केलेल्या भित्ती पत्रकाचे अनावरण केले. त्यानंतर विद्यार्थी आणि शिक्षकांनी विद्यालय परिसरात ‘पाणी वाचवा’ अशा घोषणा देत जनजागृती फेरी काढण्यात आली. ज्येष्ठ शिक्षक नंदा माजिक यांनी सूत्रसंचालन व आभार मानले.