गोवा म्हटले की येथील कॅसिनोंची प्रामुख्याने चर्चा होत असते, राज्यात जमिनीवर आणि पाण्यावर तरंगणारे असे दोन प्रकारचे कॅसिनो आहेत. पण या कॅसिनोत काम करणारे कामगार गोमंतकीयांच्या तुलनेत परराज्यातील अधिक आहेत.

कामगार मंत्री बाबुश मोन्सेरात यांनी पावसाळी अधिवेशानात दिलेल्या माहितीनुसार, राज्यात जमिनीवर 11 आणि मांडवी नदीत 06 असे एकूण 17 कॅसिनो कार्यरत आहेत. या सर्व कॅसिनोमध्ये मिळून 8,815 कामगार कार्यरत आहेत.

कामगार मंत्री बाबुश मोन्सेरात यांनी पावसाळी अधिवेशानात दिलेल्या माहितीनुसार, जमिनीवरील 11 कॅसिनोमध्ये 978 स्थानिक आणि 1,652 परराज्यातील असे 2,630 कामगार कार्यरत आहेत.

तर, मांडवीत असलेल्या सहा कॅसिनो मध्ये 2,024 स्थानिक आणि 4,161 परराज्यातील असे एकूण 6,185 कामगार काम करत आहेत.

एकत्रित पाहिले असता एकूण 17 कॅसिनोमध्ये 3002 गोमंतकीय कामगार आणि 5,813 परराज्यातील कामगार कार्यरत आहेत. अशी माहिती मंत्री बाबुश मोन्सेरात यांनी माहिती दिली आहे.

राज्यातील कॅसिनो पर्यटकांसाठी मुख्य आकर्षण आहे. गोव्यात येणारे पर्यटक कॅसिनोला भेट देत असतात. त्यातून राज्याला कोट्यवधी रूपयांचा महसूल मिळत असतो.

कॅसिनोत काम करणाऱ्या गोमंतकीय आणि परराज्यातील कामगारांच्या आकडेवारीबाबत विरोधक वारंवार प्रश्न उपस्थित करत असतात.