women dragged into Amthane Bicholim Dam while washing clothes: डिचोली तालुक्यातील आमठाणे धरण परिसरातून एक धक्कादायक घटना समोर आली आहे. एक महिला हात धुण्यासाठी धरणाजवळ गेली असता तिला मगरीने धरणात खेचले आहे. दरम्यान, 48 वर्षीय या महिलेचा मगरीच्या हल्ल्यात मृत्यू झाला आहे. आज (शनिवारी, दि.20) दुपारी ही घटना घडली.

संगीता बाबलो शिंगाडी (वय 48) असे मगरीच्या हल्ल्यात मृत्यू झालेल्या या मगरीचे नाव आहे.

मिळालेल्या माहितीनुसार, संगीता या शेळ्या घेऊन घरी परतत असताना आमठाणे धरणाजवळ हात धुण्यासाठी थांबल्या. जवळ असलेल्या रूमालासह त्यांनी पाण्यात हात घातला याचवेळी पाण्यात दबा धरून बसलेल्या मगरीने महिलेच्या हाताला चावा घेत पाण्यात खेचले. दरम्यान, या हल्ल्यात महिलेचा मृत्यू झाला आहे.

घटना घडल्यानंतर पोलिस व अग्निशमन दलाचे जवान घटनास्थळी दाखल झाले. मृत महिलेचा मृतदेह बाहेर काढण्यात आला आहे. अधिक तपास सुरू आहे.