न्हयबाग पेडणे येथे एका महिलेचा कापलेल्या अवस्थेतील मृतदेह सापडला आहे. रेल्वे पुलाजवळील झाडीत पिशवीत भरून मृतदेहाचे तुकडे टाकण्यात आले आहेत. खून करून महिलेचा मृतदेह फेकण्यात आला असून, महिला 30 ते 35 वयोगटातील असल्याचा संशय पोलिसांनी व्यक्त केला आहे.

(Women Body cut in pieces found at Naibag Pernem)

मिळालेल्या माहितीनुसार, पेडणे पोलिसांना रेल्वे पुलाजवळील झाडीत मृतदेहाचे तुकडे सापडले आहेत. यात छाती, पाय अशा अवयवांचा समावेश आहे. अवयव कुजलेल्या अवस्थेत आहेत. परिसरातील परप्रांतिय कामगारांना पहिल्यांदा हे अवयव आढळून आले. याबाबत पोलिसांना माहिती देण्यात आल्यानंतर पोलिसांनी घटनास्थळी धाव घेतली.

मृत महिलेचा दोन दिवसांपूर्वी खून करून मृतदेह फेकला असल्याचा संशय पोलिसांनी व्यक्त केला आहे.

पोलिसांनी घटनास्थळी पंचनामा करून, परिसरात अवयवांचा शोध घेण्यासाठी मोहीम राबवली. शनिवारी सायंकाळी चार वाजता पोलिसांना याबाबत माहिती मिळाली.

सध्या पोलिस सर्व शक्यता तपासून पाहत आहेत. शेजारील सिंधुदुर्ग जिल्हातील देखील याचा काही संबंध आहे का याचा शोध देखील पेडणे पोलिस घेत आहेत.