Betul Woman Drowned: नाकेरी, बेतुल येथे शेतात गेलेली एक महिला पाण्याच्या प्रवाहात ओहोळातून वाहत जाऊन साळ नदीला मिळाल्याची माहिती समोर आली आहे. कुंकळ्ळी पोलिसांनीदेखील या माहितीला दुजोरा दिला आहे.

शेतात गेल्यावर ओहोळ पार करताना अचानक पाण्याच्या प्रवाहाचा वेग वाढला. त्यामुळे अंदाज न आल्याने ही महिला पाण्यात पडली आणि प्रवाहासोबत वाहून जाऊ लागली. यात तिला कशाचाही आधार न मिळाल्याने आणि पाण्याचा प्रवाह वाढल्याने ती ओहोळातून तशीच वाहत जाऊन पुढे साळ नदीला जाऊन मिळाली.

दरम्यान, या महिलेचा शोध घेतला जात आहे. संध्याकाळी उशिरापर्यंत याबाबत काहीही अद्ययावत माहिती समोर आली नाही. स्थानिकांनी ही सर्व माहिती दिली आहे.