Goa-bound Vistara flight diverted: बेंगळुरूहून गोव्याकडे निघालेले विस्तारा कंपनीच्या विमानला सोमवारी दुपारी दाबोळी विमानतळावर लँडिंगची परवानगी नाकारली, त्यानंतर विमान पुन्हा केम्पेगौडा आंतरराष्ट्रीय विमानतळाकडे वळवण्यात आले.

ही फ्लाईटने संध्याकाळी पुन्हा गोव्याकडे प्रस्थान केले. बेंगळुरूहून दुपारी 12.55 वाजता निघालेले हे विमान दुपारी 2.00 वाजता गोव्यात उतरणे अपेक्षित होते.

मिळालेल्या माहितीनुसार, विस्ताराच्या नवीनतम अपडेटनुसार या फ्लाईटने संध्याकाळी 5 वाजता पुन्हा बेंगळुरूहून गोव्याकडे प्रस्थान केले आणि सुमारे 6:15 वाजता दाबोळी विमानतळावर दाखल झाले.

दाबोळी विमानतळावरील धावपट्टीवरील निर्बंधामुळे विमान माघारी वळवण्यात आले असे, विस्ताराने एक्स (पूर्वीचे ट्विटर) वरील एका युझरलच्या प्रश्नाला उत्तर देताना सांगितले.

"गोवा विमानतळावरील धावपट्टीवरील निर्बंधांमुळे फ्लाइट UK881 बेंगळुरूकडे वळवण्यात आली आहे. दुर्दैवाने, अशा परिस्थिती आमच्या नियंत्रणाबाहेर आहेत. कृपया पुढील अपडेटसाठी संपर्कात रहा किंवा मदतीसाठी कर्मचार्‍यांशी संपर्क साधा," असे विस्ताराने म्हटले आहे.

फ्लाइट बेंगळुरूला वळवल्यानंतर संबंधित प्रवाशांच्या नातेवाईकांनी सोशल मीडियावर संपर्क साधला होता.