मडगाव: नगर नियोजनमंत्री विश्वजित राणे यांनी घाऊक मासळी बाजारांतील सोपो वसुली कंत्राटाबाबत होत असलेल्या तक्रारींची गंभीर दखल घेऊन दिलेल्या सूचनानंतर प्राधिकरणाचे सदस्यसचिव विनोद कुमार यांनी सदर कंत्राट रद्द करण्याचा आदेश जारी केला आहे.
(Wholesale market SOPO contract canceled by SGPDA)
फातर्पा येथील एकाला हे हंगामी कंत्राट दिले गेले होते. सदर व्यकतीनेच एसजीपीडीएला बाजाराची साफसफाई तसेच सोपो गोळा करण्यासाठी काही कामगार पुरविले होते. पण कोणतीच निविदा जारी न करता तसेच आवश्यक सोपस्कार पूर्ण न करता हे काम दिल्याने व सदर व्यक्ती ही केपे भाजप मंडळ पदाधिकारी असल्याने त्यावरुन वादळ उठले होते.
त्याची दखल घेऊन मंत्र्यांनी ट्वीटकरून सदर सचिवांना जबाबदार धरुन कारवाईचा इशारा दिला यानंतर सुत्रे हलली आणि आदेश निघाला. कंत्राट रद्द करताना संबंधित अटीनुसार काम करत नसल्याचे कारण दिले गेले आहे; मात्र संबंधित व्यक्तीने या आरोपांचे खंडन केले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.