West Bengal Governor C V Anand Bose Visit Saint Xavier Exposition

तिसवाडी: सेंट फ्रान्सिस झेवियर यांचा शवप्रदर्शन सोहळा सुरू झाला असून देशभरातून भाविक गोव्यात पोहोचत आहे. आज पश्चिम बंगालचे राज्यपाल सी. व्ही. आनंद बोस यांनी जुने गोव्यात येऊन सेंट फ्रान्सिस झेवियर यांचे दर्शन घेतले. बोस सध्या गोव्याचे दौऱ्यावर आलेले आहेत.

शवप्रदर्शन सोहळा २१ नोव्हेंबर रोजी सुरू झाल्यापासून देशभरातून तसेच राज्यातून भाविक जुने गोवा येथे पोहोचत आहे. तामिळनाडू, केरळ, महाराष्ट्र, कर्नाटक या राज्यातून मोठ्या संख्येत भाविक आले आहे.

गोव्यातून सुद्धा मोठ्या संख्येत भाविक येत असून येणाऱ्या दिवसांमध्ये हा आकडा वाढणार आहे. गोव्यातील शाळा देखील आपल्या विद्यार्थ्यांना घेऊन शेवप्रदर्शनाला येत आहे. आज फोंडा येथील जामिया शाळेच्या विद्यार्थींनी भेट देत धार्मिक सलोख्याचे उत्तम उदाहरण प्रस्तुत केले. यात बहुतांश विद्यार्थी हे मुस्लिम समुदायातील होते.

व्हॅटिकन शिष्टमंडळाची भेट

एका विशेष व्हॅटिकन शिष्टमंडळाने सेंट फ्रान्सिस झेवियर यांच्या दशवार्षिक पवित्र अवशेष प्रदर्शनाला भेट दिली. या शिष्टमंडळान मॉनसिग्नॉर जेवियर डॉमिंग फर्नांडिस यांचा समावेश होता. अवर सचिव श्रेयस डिसिल्वा यांनी स्वागत केले. तर महसूल सचिव संदिप जॅकिस यांनी प्रतिनिधींशी संवाद साधला. आर्चबिशप एडगर पेना पर्रा या शिष्टमंडळाने दिलेल्या भेटीबद्दल समाधान व्यक्त केले.