Water pipeline burst in mapusa: म्हापसा मतदारसंघातील विविध ठिकाणी वारंवार पाण्याची पाईपलाईन फुटून हजारो लिटर पाणी वाया जाण्याचे प्रकार सतत घडत आहेत. याकडे म्हापसा पाणीपुरवठा कार्यालयाचे दुर्लक्ष होत आहे

लोकांना पाण्याविना याचा त्रास होत आहे. पाण्याची टंचाई वारंवार लोकांना भासत असल्याने संताप व्यक्त करण्यात येत आहे.

गेल्या एक महिन्यापासून एकतानगर हाऊसिंग बोर्ड, म्हापसा येथे अशीच पाईपलाईन फुटलेली असून त्यातून सतत पाणी रस्त्यावरून वाहत आहे आणि यावरून वाहने गेल्यावर होणारा चिखल चालत जाणाऱ्या लोकांवरती उडतो.

अशाच प्रकारे म्हापसा येथील सेंट झेवियर कॉलेजजवळील रस्त्याच्या मधोमध एक पाईपलाईन फुटून सकाळपासून त्यामधून हजारो लिटर पाणी वाया जात असल्याचा प्रकार दिसून आला. शुक्रवारी सायंकाळी त्या पाईपच्या दुरुस्तीचे काम सुरू करण्यात आले होते.