Goa Water Supply: गोव्यात सध्या ठिकठिकाणी रस्त्याची कामे सुरू आहेत. यातच एक नवीन घटना घडली आहे. आम्यानी, माडेल थिवी येथे शिवोली आणि कळंगुटला पाणी पुरवठा करणारी मुख्य जलवाहिनी फुटून रस्ता खचल्याचा प्रकार घडला आहे.

खराब झालेल्या जलवाहिनीच्या दुरुस्तीचे काम सध्या सुरू आहे. पण यामुळे संबंधित भागातील पाणीपुरवठ्यावर परिणाम होण्याची शक्यता वर्तवण्यात येत आहे.

गोव्यात हल्लीच मान्सूनपूर्व कामांनाही सुरुवात झाली आहे. त्यामुळे ठिकठिकाणी वाहतुकीला अडथळा निर्माण झाला आहे.