Water Issue in Goa : ठाणे पंचायत क्षेत्रातील डोंगुर्ली येथे गेल्या काही दिवसांपासून वारंवार नळाला पाणी नसल्याने गावातील नागरिकांचे पाण्याविना हाल होत आहेत. त्यात टॅंकर दोन दिवसाने येत असल्याने गावातील महिला नाराज झाल्या आहेत.

नदीचे पाणी सुध्दा आटले असून जेव्हा नळाला पाणी सोडले जाते त्यावेळी ते गढूळ येत आहे. त्यामुळे आरोग्याच्या दृष्टीने ते हानीकारक आहे असे महिलांचे म्हणणे आहे.

पाणी सोडणाऱ्या माणसाला वारंवार ह्या महिला नळ कोरडे असल्याची तक्रारी करत आहेत. त्यामुळे आज 12 च्या सुमारास वाळपई पाणी पुरवठा कार्यालयावर ह्या महिलांनी अधिकाऱ्यांची भेट घेतली. मात्र कार्यालयात अधिकारी नसल्याचे कळले. यावेळी डोंगुर्ली गावातील 10 महिला उपस्थित होत्या.

डोंगुर्ली परिसरात सुरळीत पाणी सोडावे अशी मागणी मंजीरी गावकर, माधवी च्यारी आणि इतर उपस्थित असलेल्या गावकऱ्यांनी केली आहे.