कायदा-सुव्यवस्था अबाधित राहण्यासाठी कोळवाल पोलिसांसह उपविभागीय पोलीस अधिकारी जीवबा दळवी, सोमनाथ महाडिक, पीआय यांनी आज थिवी परिसरात “वॉकिंग द बीट” केले. या दरम्यान आजूबाजूच्या परिसराची तपासणी, भाडेकरू म्हणून राहत असलेल्याची तपासणी, समन्सची आणि वॉरंटची अंमलबजावणी करण्यात आली.

दरम्यान या पेट्रोलिंग वेळी नंबर प्लेट नसलेली एक स्कूटर जप्त करण्यात आली असून त्या स्कुटरच्या मालकाच्या शोधासाठी पोलिसांनी ती ताब्यात घेतली आहे. तसेच मोटार वाहन कायद्याअंतर्गत अनेक खटलेही दाखल करण्यात आलेत.

तसेच या भागांमध्ये कायदा-सुव्यवस्था अबाधित राहण्यासाठी या पोलीस ठाण्याच्या हद्दीतील सर्व भागात अशा प्रकारची पायी गस्त नियमितपणे केली जाईल असेही यावेळी सांगण्यात आले. गोवा DGP जसपाल सिंग यांनी या मोहिमेत पुढाकार घेतला असून एसपी निधिन वलसन यांच्या देखरेखीखाली ही मोहिम पार पडली.