Margao Crocodile Video: गोव्यात अनेकवेळा विविध ठिकाणी मगर रस्त्यावर किंवा शेतात आल्याचे दिसून आले आहे. किनारपट्टी प्रदेश असल्याने अशा घटना वारंवार समोर येतात. अशीच एक घटना शनिवारी रात्री मडगावच्या रस्त्यावर घडली आहे. भली मोठी मगर रस्त्याच्या मधोमध आली अन् रत्यावरील गाड्या जागच्या जागी थांबल्या. सध्या या घटनेचा एक व्हिडिओ समोर आला आहे.

समोर आलेल्या व्हिडिओनुसार, मडगाव येथील मच्छी मार्केट रस्त्यावर शनिवारी रात्री 10.30 वाजता भली मोठ्ठी मगर आली. मगर रस्त्यावर आल्यामुळे वाहने जागच्या जागी थांबली. त्यानंतर मगर हळूहळू रस्ता ओलांडताना दिसत आहे.

अचानक मगर आल्याने रस्त्याकडेला असलेली कुत्रे देखील दचकले आणि पळून देखील गेल्याचे व्हिडिओत दिसत आहे. सध्या हा व्हिडिओ सर्वत्र मोठ्या प्रमाणावर व्हायरल होत आहे.

दरम्यान, रस्त्याच्या मधोमध मगर आल्याने रस्त्यावरील वाहने जागीच थांबली व त्यांनी मगरला रस्ता पार करण्यासाठी वेळ दिला.

मार्गावर यावेळी प्रवास करणाऱ्या वाहन चालकांनी या घटनेचा व्हिडिओ चित्रित केला असून, तो सध्या सर्वत्र व्हायरल होत आहे.