Goa Congress

भाजपच्या दक्षिण गोवा उमेदवार पल्लवी धेंपे यांनी आचारसंहितेचा भंग केल्याचा आरोप काँग्रेसने केला आहे. धेंपे यांनी मतदान केंद्र १५ येथे भारतीय जनता पक्षाला मतदान करण्याचे आवाहन केले, याबाबत प्रसार माध्यमांनी व्हिडिओ देखील प्रसिद्ध केल्याचे तक्रारीत म्हटले आहे.

यासह सिद्धेश नाईक यांच्याविरुद्ध देखील तक्रार दाखल करण्यात आली आहे. सिद्धेश नाईक रायबंदर येथील मतदान केंद्राच्या परिसरात Modi Once More 2024 असे लिहलेला टी-शर्ट घालून फिरत होता, हा आचारसंहितेचा भंग असल्याचे तक्रारीत म्हटले आहे.

वीज खात्याचे मंत्री सुदिन ढवळीकर यांच्या विरोधात देखील तक्रार दाखल करण्यात आली असून, त्यांनी मडकई येथील मतदान केंद्रावरुन पल्लवी धेंपे यांना मतदान करण्याचे आवाहन केल्याचे तक्रारीत म्हटले आहे.

मतदान केल्यानंतर हातावर लावण्यात येणारी शाई धुतल्यानंतर जात असल्याचा प्रकार पणजीतून समोर आला असून, ही गंभीर बाब असल्याचे म्हणत याप्रकरणी काँग्रेसकडून निवडणूक आयोगाकडे तक्रार नोंद करण्यात आली आहे.