केपे: असोल्डा पंचायत क्षेत्रातील दोन बेकायदा बांधकामे हटविण्याचा आदेश सत्र न्यायालयाने देऊनही ती हटविली नसल्याबद्दल ग्रामसभेत ग्रामस्थांनी पंचायत मंडळाला धारेवर धरले. यावेळी सरपंच किस्तोड फर्नांडिस यांनी यांनी या बांधकामांवर येत्या पंधरा दिवसांत कारवाई करण्यात येईल, असे आश्‍वासन यावेळी दिले.
असोल्डा पंचायत क्षेत्रात बेकायदा बांधकाम करून त्या ठिकाणी शेड उभारण्यात आली आहे. या शेडमध्ये स्क्रॅप यार्ड थाटण्यात आले आहे. येथील दोन्ही बांधकामे बेकायदा असल्याने ही दोन्ही बेकायदेशीर बांधकामे जमीनदोस्त करावी असा आदेश उपजिल्हाधिकारी व सत्र न्यायालयाने दिला आहे, मात्र वर्ष झाले तरी या बांधकामांवर का कारवाई केली नाही, असा प्रश्न यावेळी ग्रामस्थांनी उपस्थित केला.
ज्या जागेवर ही बांधकामे उभारली आहेत ती जागा कोमुनिदादची नसून ती दुसऱ्या जागेवर बांधली आहेत, परंतु येजा करण्यासाठी रस्ता नसल्याने कोमुनिदादच्या जागेतून जात होते. त्यामुळे कोमुनिदादच्या जागेतून जाणारा रस्ता खोदकाम करून अडवला असून कोमुनिदादच्या जागेतून जाण्यास प्रतिबंध केला आहे, असे मुखत्यार संजय राऊत देसाई यांनी यावेळी सांगितले.
न्यायालयाचा आदेश असूनही पंचायत ही बेकायदा बांधकामे पाडण्यास पुढाकार का घेत नाही, असा प्रश्न त्यांनी उपस्थित केला. ज्या ठिकाणी शेड उभारली आहे, त्याठिकाणी स्क्रॅप यार्ड थाटण्यात आले असून तिथे थर्मोकोल जाळण्यात येत असल्याने आमच्या शेतीसाठी मारक ठरत आहे, असे त्यांनी सांगितले.
या बांधकामांना पंचायतीने कोणतेच ना हरकत दाखले दिले नसल्याचे सरपंच फर्नांडिस यांनी यावेळी सांगितले. ही बांधकामे आम्ही पडणार होतो पण त्यांनी न्यायालयाच्या आदेशावर स्थगिती आणणार असल्याचे सांगितले होते पण गेले सहा महिने ते या आदेशाविरुद्ध स्थगिती आणू न शकल्याने येत्या पंधरा दिवसांत दोन्ही बांधकामे पाडणार असल्याचे त्यांनी यावेळी सांगितले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.