मडगाव: गोव्यात सेंद्रीय शेती आणि किचन गार्डन या दोन्ही प्रकारात जागृती करण्याचे काम ग्रीन क्लबने हाती घेतले असून त्यांना त्यासाठी पूर्ण सहकार्य करण्याचे आश्वासन गोवा फॉरवर्डचे अध्यक्ष आणि गोव्याचे माजी कृषि मंत्री विजय सरदेसाई यांनी दिले.

(Vijay Sardesai promises to popularize organic farming in Goa)

ग्रीन क्लब ऑफ गोवा या संघटनेने आयोजीत केलेल्या किचन गार्डन आणि खत निर्मिती कार्यशाळेचे आज सरदेसाई यांनी उद्घाटन केले. यावेळी या क्षेत्रातील तज्ज्ञ असलेले डॉ. एलियात्रेओ व ज्युलीएट वाझ कार्नेरो यांनी मार्गदर्शन केले. यावेळी विविध पिकावर जे आजार होतात त्यावर उपाय कसे घ्यावेत याचेही मार्गदर्शन करण्यात आले.

शहरात जागेअभावी भाज्या आणि अन्य तरेची लागवड जागेअभावी शक्य होत नाहीं अशा परिस्थितीत टेरेस किंवा गच्चीत हे पीक कसे घेता येईल यावर मार्गदर्शन करण्यात आले. यावेळी बोलतांना ग्रीन क्लबचा हा उपक्रम संपूर्ण राज्यात नेण्यासाठी जे काय सहकार्य पाहिजे ते सर्व देण्याचे आश्वासन सरदेसाई यांनी दिले.