सासष्टी: केवळ फातोर्डासाठी आपल्याला काँग्रेसशी युती नको आहे. गोव्यात सत्ता मिळवण्यासाठी सर्व विरोधी पक्षांनी एकत्र येणे महत्त्वाचे आहे, असे गोवा फॉरवर्डचे अध्यक्ष तथा फातोर्डाचे आमदार विजय सरदेसाई यांनी पत्रकारांशी बोलताना सांगितले.

केवळ फातोर्डासाठी काँग्रेसशी युती पाहिजे, असा जो कोणी समज करून घेतला आहे, तो चुकीचा आहे. फातोर्डातील लोक आपल्याबरोबर आहेत. गोवा फॉरवर्ड पक्षाने सर्व मतदारसंघांमध्ये आपले स्थान बळकट करण्यासाठी प्रयत्न सुरू केले आहेत, हे त्यांनी लक्षात घ्यावे, असे सरदेसाई यांनी सांगितले.

काँग्रेस पक्षासोबतच्या युतीसंदर्भात आपण आताच काहीही बोलणार नाही. त्याचप्रमाणे आपला पक्ष किती जागा लढवणार, हेही ३० जूननंतर जाहीर करू, असे सरदेसाई यांनी स्पष्ट केले.