गोव्यात विधानसभा मतदानाला चांगला प्रतिसाद मिळत आहे. एक तास मतदानासाठी शिल्लक राहिला आहे. मतदाना आधी प्रचंड राजकीय रणधुमाळी पाहायला मिळाली. एकीकडे स्टींग ॲापरेशनच्या माध्यमातून काही उमेदवार दुसऱ्या पक्षांत जाणार असल्याचा दावा करण्यात आला होता. त्यातच गोवा फॉरवर्ड पक्षाचे अध्यक्ष विजय सरदेसाई (Vijai Sardesai) यांचे फेसबुक अकाऊंट हॅक (Hack) झाल्याचे वृत्त समोर आले होते.

दरम्यान, आज मतदाना दिवशी गोवा फॉरवर्डचे अध्यक्ष विजय सरदेसाई यांनी आपल्या पत्नीसह मतदानाचा हक्क बजावला आहे, तसेच गोवेकरांना देखील मतदान करण्याच आवाहन केल आहे. फातोर्डा मतदारसंघातून ते निवडणूक लढवत आहेत. यावेळी त्यांनी कॉंग्रेस (Congress) आणि गोवा फॉरवर्डच्या (Goa Forward) उमेदवारांना मतदान करण्याचे आवाहन केले. तसेच गोव्यात परिवर्तनाची हीच योग्य वेळ असल्याचे सांगत युतीला मतदान करण्याचे आवाहन केले.