कोरगावच्या (Korgao) सतर्क स्थानिकांनी विनयभंगाचा आरोप असणाऱ्या आरोपीला पकडण्यात पेडणे पोलिसांना (Pernem Police) मदत केली आहे. पीआय जिवबा दळवी (Jivba Dalvi) यांनी दिलेल्या माहितीनुसार, पीडित महिला बसमधून उतरुन पायी एकटीच आपल्या राहत्या घरी जात असताना आरोपीने तिचा पाठलाग करुन, तिचा शारीरिक विनयभंग केला. मात्र, कोरगाव गावातील सजग स्थानिकांनी परिस्थिती तात्काळ लक्षात घेऊन पळून जाण्याच्या प्रयत्नात असलेल्या आरोपीला अडवून त्याला पकडून पोलिसांच्या ताब्यात दिले.

Rajnikant Bind रा. बिहार असे आरोपीचे नाव आहे. त्याला आयपीसीच्या कलम 341, 354, 354-A आणि 354-D अंतर्गत अटक करण्यात आली असून सध्या तो पोलीस कोठडीत आहे. पीआय दळवी यांनी कोरगाव ग्रामस्थांच्या सतर्कतेबद्दल आणि कारवाईबद्दल त्यांचे आभार मानले आहेत.